ММС

Фестивалот Егзит одложен за во август

Српските власти усвоија препорака фестивалот Егзит, наместо во јули да се одржи кон крајот на август, бидејќи тогаш се очекува стивнување на пандемијата со коронавирусот.

– Усвоивме препорака Егзит да се одложи за август, бидејќи до тогаш ќе биде целосно мирна ситуацијата во цела Европа, изјави српската премиерка Ана Брнабиќ, додавајќи дека целта на препораката е фестивалот да се помести, а не да се откаже.

Егзит се одржува 20 години, а произлезе од студентското движење против поранешниот српски лидер Слободан Милошевиќ.

Оваа година на фестивалот требаше да настапат Дејвид Гета, Тајга, Џејмс Артур, Борис Брејча и други звучни имиња.