ММС

Ќерка ти згази дете, скрши вилица не може да зборува а јас сум сведок- Измамена кумановка со 1.050 евра за лажна сообраќајка

Вчера во 18 часот во СВР Куманово, Д.Р.(70) од Куманово пријавила дека била измамена од едно лице за сума од 1.050 евра, информираат од МВР.

Според пријавеното, околу 13 часот ѝ се јавило машко лице кое ѝ кажало дека ќерка ѝ направила сообраќајна незгода и згазила дете, а дека само тој како очевидец можел да ја спаси ќерка ѝ да не оди во затвор, доколку му даде пари. Исто така, според пријавеното, лицето ѝ кажало дека ќерка ѝ има скршена вилица и не може да зборува. Таа му поверувала и околу 16.00 часот излегла пред зградата каде што живее и му ги дала парите.

Според пријавата, веднаш потоа се јавила ќерка ѝ, по што Д.Р. заклучила дека била измамена. Се преземаат мерки за расчистување на случајот.