ММС

Објавен модел од 6 точки со кој Кина го порази коронавирусот

Кинескиот дневен весник „Народен весник“ го опиша моделот со шест точки што Кина го применила за да се запре епидемијата на новиот коронавирус во најкус рок.

Лидерство

Кина формираше Централна управа за одговор на епидемијата како единствен државен механизам за контрола и превенција.

Од избувнувањето на епидемијата, претседателот одржа 10 состаноци и лично изврши три инспекции. Тој издаде бројни упатства и наредби и испрати честитки и писма за да ја охрабри и поддржи борбата против вирусот.

Мобилизација

Истражувачите и експертите се испратени во Вухан, град во провинцијата Хубеи, најтешко погодена од епидемијата.

Градот беше ставен во карантин на 23 јануари 2020 година.

Изградени беа привремени болници така што за болните беа назначени 86-те постојни болници, а со изградбата на 16 монтажни болнички установи, достигнат беше вкупниот капацитет од 60.000 легла.

42.000 медицински професионалци пристигнаа од цела Кина во Хубеи. Се следеше бројот на пациенти.

Организација

Милијарди беа одобрени од буџетот за да му помогнат на Хубеи да се справи со епидемијата. Низ цела Кина беа поставени места за мерење на температурата на граѓаните, клиники за оние со симптоми и карантин за заболените.

Се откажаа големи собири, училиштата се затворија, конференциите и состаноците беа одложени.

Производството на медицинска опрема и потрошен материјал се зголеми. Производството на заштитна облека се зголеми на 500.000 парчиња дневно, производство на маски Н-95 на 1,6 милиони на ден, а хируршки маски на 100 милиони.

Ажурирани плановите за дијагностицирање и третман, забрзан развој на тестови, лекови и вакцини.

Закони

Се затворија сите пазари што продаваат диви животни, инсекти и влекачи, а фармите и резервите на кои се одгледуваа беа оградени.

Секое отстапување од регулативата е остро и брзо санкционирано.

Трговијата со животински свет е забранета.

Законите и регулативите се унапредени.

Солидарност

Соочен со епидемијата, кинескиот народ покажа солидарност.

Граѓаните донираа маски, храна и пари, доброволно, движењето го сведоа на минимум и носеа маски секој пат кога излегуваа.

Останаа дома и се посветија на хигиената и дезинфекцијата.

Тие доброволно се карантираа по патувањата.

Меѓународна соработка

Беа разменети податоци за превенција, дијагностицирање и третман на пациенти ширум светот. Кина донираше 20 милиони американски долари на Светската здравствена организација за тестови и медицинска опрема за други загрозени земји.

Извор: denar.mk