ММС
Банер за Супер7

Објавено на: 06/4/18 10:12 AM

Митинг со дози адреналин за Мицкоски, но без потенцијал за пресврт

Ставот за името искажан на завчерашниот митинг на опозициската ВМРО-ДПМНЕ, го апсорбираше најголемото внимание во домашните и странски медиуми. Според аналитичарите – ништо чудно, со оглед дека митингот се одржува во клучните денови кога се прават напори за решавање на дводеценискиот спор.

„Ова е историски период за сите нас и една раскрсница во која се наоѓаме во нашето битисување. Се решава проблемот со името. Многумина го очекуваат нашиот став за овој проблем. Ќе бидам искрен и отворен. ВМРО-ДПМНЕ нема да поддржи промена на Устав, а со цел промена на уставното име. Од ова појасен став нема! Историјата ќе суди кој бил во право“, рече лидерот на ВМРО-ДПМНЕ, Христијан Мицкоски.

„Во странските агенции и медиуми протестите беа видени како антивладини и како протест против можниот договор со Грција за спорот за името“, оценува аналитичарот Сашо Клековски.

„Неспорно е дека многу членови, симпатизери на ВМРО-ДПМНЕ, но и граѓани, во протестите видоа можност да ги изразат своето спротивставување на можна промена на името. ВМРО-ДПМНЕ со тоа ќе ја зацврсти позицијата за неменување на Уставот (за промена на името). Истата позиција ја има и претседателот Ѓорге Иванов. Со тоа се зголемува отпорот за решение кое вклучува промена на Уставот, што пак е клучно барање на Грција“, потсетува тој.

Според него, ВМРО-ДПМНЕ со протестот имала две меѓусебно испреплетени цели: легитимација на новото раководство и претседателот на партијата, и позиционирање на самата партија.

„ВМРО-ДПМНЕ беше во надолна линија под притисокот на истрагите на СЈО, преминувањето во опозиција и поразот на локалните избори. Со митингот ВМРО-ДПМНЕ демонстрира дека и во опозиција има голема моќ за мобилизација. Воедно со тоа се легитимира новото раководство“, вели Клековски.


Доколку преземете содржина од оваа страница, во целост сте се согласиле со Услови за преземање.

Банер за Супер7
1x1