ММС

Објавено на: 01/11/20 4:19 PM

Бела лавица е нова жителка на скопската зоолошка

Белата лавица Бела, млада женка која припаѓа на видот бели лавови, од Ходенхаген, Германија пристигна во Зоолошката градина во Скопје.

 

Белите лавови се еден од најзагрозените видови во светот, а во природата се речиси во истребување, поради масовниот лов, но и нивната отежната репродуктивност.

 

Директорот на скопската зоолошка, Ѓорѓи Галетановски, истакна дека ова е првпат во Скопје, но и во нашата држава да има бели лавови, а додаде и дека планираат да донесат и бели тигри, како и други бели животни кои се доста ретки.

 

-Градот вложува, а Европа се залага што побргу нашата зоолошка да биде европска и што поубаво уредена за животните. Ние сакаме годинава да достигнеме максимална посетеност на Скопје ЗОО, рече Галетановски.

 

За неколку дена, во Скопје ќе пристигне и белиот лав Чака од Амневил, Франција, со кој заедно ќе живеат во пространо живеалиште адаптирано за нивните потреби.

МИА


Доколку преземете содржина од оваа страница, во целост сте се согласиле со Услови за преземање.

1x1