Воспоставен безвизен режим меѓу Македонија и Украина - ММС
ММС
Банер за Супер7

Објавено на: 12/23/19 10:17 AM

Воспоставен безвизен режим меѓу Македонија и Украина

Од вчера стапи во сила постојаниот безвизен режим меѓу Украина и Северна Македонија, објави денеска на Твитер државниот секретар во украинското Министерство за надворешни работи, Андриј Зајац.

– Стартот на безвизниот режим со Северна Македонија на постојана основа значи укинување на краткорочните и долгорочните (имигрантски) визи, наведува Зајац, додавајќи дека државјаните на Македонија и на Украина, кои поседуваат биометриски пасоши, ќе можат слободно да патуваат во другата држава и да престојуваат во неа до 90 дена.

Украинската Влада на 21 август го одобри Договорот со земјава за условите за укинување на визниот режим со земјава. На 18 декември двете држави потпишаа Спогодба за укинување на краткорочните и долгорочните имигрантски визи, како и за старт безвизен режим.


Доколку преземете содржина од оваа страница, во целост сте се согласиле со Услови за преземање.

Банер за Супер7