– ММС
Вести Македонија

Отворена иселеничката лотарија на САД

До петти ноември 2019 година  е отворен повикот за апликации за иселеничка лотарија за 2021 година во САД, преку која се обезбедува легален престој во Америка. Резултатите ќе бидат објавени по петти мај 2020 година.

Апликациите, според Американската амбасада во Скопје, се поднесуваат електронски на официјалната веб-страница  www.dvlottery.state.gov,. На оваа страница има и упатства за аплицирање.  Секој што сака да аплицира, ќе треба да се регистрира, што е бесплатно.

-Апликантите можат да побараат помош од трета страна да ја достават апликацијата во нивно име. Сепак, секој кандидат носи одговорност за осигурување дека информациите за образецот се точни и целосни. Во случај информациите да недостасуваат или неточни, апликантот може да биде дисквалификуван дури и по неговата / нејзината селекција како добитник на лотарија. Без разлика дали регистрацијата е направена лично, или со помош на адвокат, пријател или роднина, само една регистрација може да се испрати до секој кандидат. Повеќекратни регистрации за иста личност ќе резултираат со дисквалификација “, соопштија од Амбасадата.

По регистрацијата, апликантите добиваат единствен број на потврда, кој мора са се чува. Проверката за одговорот, односно дали некој влегол или не во програмата е преку тој единствен број на потврда.

 

Лограње

X

Регистрација