Лос Анџелес останува број 1 по сообраќајниот метеж

Лос Анџелес и по последните анализи е повторно градот каде што возачите најмногу време губат во сообраќајниот метеж – во просек 102 часа годишно.



Ова е прикажано во податоците собрани од INRIX за 2017 година, која го анализира транспортниот бизнис.

На второто место во оваа ранг-листа, останува како и досега, главниот град на Русија- Москва, каде што просекот е 91 часа изгубени годишно во метежот, а на третото место е Њујорк.


Во Топ 10 локации се наоѓаат некои од најпопуларните туристички дестинации: Сан Франциско, Атланта, Мајами, Лондон, Париз, Сан Паоло и Богота.


Од земјите, ситуацијата со сообраќајниот метеж е најлоша во Тајланд, по што следи Индонезија, а третото место е поделено помеѓу Венецуела и Колумбија. Петтата позиција оваа година е за Русија и САД.